केसरिया बालम आवोनी, पधारो म्हारे देश जी
केसरिया बालम आवोनी, पधारो म्हारे देश जी |
पियाँ प्यारी रा ढोला, आवोनी, पधारो म्हारे देश |
आवण जावण कह गया, तो कर गया मोल अणेर |
गिणताँ गिणताँ घिस गई, म्हारे आंगलियाँ री रेख ||
केसरिया बालम आवोनी, पधारो म्हारे देश |
साजन साजन मैं करूँ, तो साजन जीवजड़ी |
साजन फूल गुलाब रो, सुंघुँ घडी घडी ||
केसरिया बालम आवोनी, पधारो म्हारे देश |
मारू थारा देश में , निपजे तीन रत्न |
इक ढोला इक मरवण,तीजो कसुमल रंग ||
केसरिया बालम आवोनी, पधारो म्हारे देश |
सुपना तू सोभागियो, उत्तम थारी जात |
सो कोसा साजन बसै, आन मिलै परभात ||
केसरिया बालम आवोनी, पधारो म्हारे देश जी |
